RED BULL DOODLE ART – Македонското жири ги виде првите чкртачки трудови

Со првиот настан одржан во Скопје започнаа квалификациите за учество во натпреварувањето на студентите од целиот свет во чкртање познато како Red Bull Doodle Art.

Македонското жири ги виде првите чкртачки трудови

Чкртањето како слобода на изразување, каде што нема правила и ограничувања, претставува заедничка карактеристика на сите студенти кои го откриваат својот внатрешен талент за време на предавањата. Red Bull Doodle Art настојува да обедини преку 50.000 студенти од целиот свет кои преку глобалната платформа ќе успеат да се изборат за учество на финалната манифестација.

Единствената шанса да се претставува Македонија на Глобалниот завршен настан на Red Bull Doodle Art 2017 доаѓа преку учество на локалните натпревари, а во Скопје се организираше првиот настан во локалот „Кантина“. На тој начин на ова невообичаено неделно матине беа добиени првите 20 трудови во опуштена атмосфера со присуство на публика и музика од Dj Ux.

На патот до националното финале кон крајот на април ќе има уште неколку, по што победникот ќе добие виза за настап во возбудливото финале. Предвидено е за време на апликациската фаза од 3 до 16 април на повеќе факултети во Македонија да се отворат неколку уметнички катчиња, a студентите ќе можат да нацртаат цртежи со коишто ќе се пријават на натпреварот. Публиката ќе може да ги види сите чкртаници и да гласа за своите фаворити преку www.redbulldoodleart.com каде што е лоцирана глобалната платформа.

За националниот победник ќе одлучува македонското жири, во кое членуваат Иван Петрушевски, Давид Ристевски – Dreadpen и Д-р Ангелина Поповска. Петрушевски е графички дизајнер и илустратор кој работи во областа на дигиталната уметност од 2003 година, со неколку самостојни и групни изложби зад себе. Препознатлив по сомбре-суканиците, Ристевски е дизајнер што е вработен во маркетинг агенција, но исто така и „зависник“ од чкртањето кој признава дека секогаш носи маркер со себе. Иако нејзината професионална определба како доктор по науки за конзервација и реставрација на икони, на што воедно и работи во Националнциот конзерваториски центар, Ангелина Поповска е наградуван академски сликар со неколку самостојни изложби, чие што поле на интерес е концептуалната уметност со користење модерни техники.

Иако на финалето ќе има само еден учесник од Македонија, Семос Едукација обезбеди дополнителни три награди во вид на ваучери за посетување на обуки за дизајн во нивниот Adobe Authorized Training Centar.

Оваа глобална манифестација по втор пат ќе претставува светски собир на сите национални победници, откако првата глобална галерија беше организирана во Кејптаун, Јужна Африка, во 2014 година, со учество на Матеј Тодоровски, тогашен студент на Архитектонскиот факултет во Скопје. За оваа година финалето повторно предвидува возбудлива локација, но претхoдно сите учесници ќе добијат соодветен тренинг за креирање завршно уметничко дело со цртање во три димензии (3D), за љубителите на уметноста да можат на крајот да го видат сето тоа преку виртуелната реалност. За глобалниот победник ќе одлучува судиски панел.

Што е чкртаница?

Цртеж без фокус што се црта додека мислите ви се окупирани со други нешта.

Што е Red Bull Doodle Art?

Натпреварување кое се одржува ширум светот меѓу студентите, при што тие ги приложуваат своите чкртаници за оценување по основ на стилот и креативноста. Еден чкртач од секоја земја ќе биде повикан на глобалното финале и ќе се натпреварува против студентите од целиот свет. Победничкото дело од секоја земја ќе биде изложено во Глобалната виртуелна галерија. На изложбата ќе биде прогласен еден меѓународен победник.

Кој ќе биде крунисан како глобален победник во Red Bull Doodle Art 2017?

Ќе дознаеме наскоро!

My internship experience in Skopje, Macedonia

I had no idea what I got myself into when the country, whose name I thought was a fruit salad, was going to be my home for the following 3 months; Skopje, Macedonia. I would have never foreseen the life changing experience that was waiting for me. Truly, the best decision I made in my life.

I did my internship in the Faculty of Mechanical Engineering in the SS Cyril and Methodius University, I was in charge of a project thar consists in optimizing the parameters of the 3D printer Dimension Elite with the goal of saving support and molding material. In order to accomplish that, I learnt to use new software, which allowed me to develop my skills in industrial design and additive Manufacturing.

My mentors were kind and professional, they supported me with everything. Workwise, I felt I didnt lose my time, I was learning something new everyday and developing skills in a multicultural environment. As a professional I can say this internship helped me focus toward quality, creativity and efficiency of my work.

An internship abroad will give you the chance to travel to new places, make new friends, make new memories and learn new skills. But it also challenges you; it teaches you first hand what intercultural communication really is; it will challenge your mindset and it will help you become more open minded and more culturally aware.

It opened my mind to the notion that we are all different, we might think differently but that shouldn’t stop us from getting to know each other. People and places will surprise you, Skopje for sure did. To see the beauty of humanity. To embrace the beauty of the world. It gave me a perspective as a part of the world.

You’ll have one of the best times of your life. Late night parties, random flings, local tours and what not.

But as cliché as it sounds ‘all good things must come to an end’. I made some amazing friends and shared some fantastic experiences with them during 3 months. The 3 months I spent there as an intern were filled with good times, friendships for life and new experiences.

So as I said once in a IAESTE meeting, before going to the best local bar; “A journey of a thousand miles start with a single step”, and I couldn’t be happier mine was Macedonia. So I DARE you to take that step, sometimes sacrifices are necessary but you will never regret this decision.

Thank you Skopje, you will always have a special place in my heart

Eduardo Lerma, intern from Mexico

Резултати од третиот круг на Надворешен Конкурс

Третиот круг на Надворешниот Конкурс за размена на платени стручни пракси траеше од 20 до 24 март. Сите пријавени кои доставија документи во овој рок, резултатите може да ги видат:

[gview file=”http://iaeste.org.mk/wp-content/uploads/2017/03/Tret-krug.pdf”]

Сите студенти кои добија пракса ќе бидат исконтактирани по e-mail за да се почне постапката за спремање на номинацијата.

Рокот за приговори е до вторник, 28.03.2017, 23:59 часот. Сите приговори се праќаат на outgoing.iaestemkd@gmail.com.

Во ниту еден случај, студентот кој сака да конкурира на одредена пракса не смее да ги контактира локалните комитети на ИАЕСТЕ кои ја објавиле, ниту пак, работодавачот кој ја нуди праксата, сè додека официјално не биде испратена номинација преку ИАЕСТЕ Македонија и додека студентот не биде примен на соодветната пракса.

Праксите кои не се доделени на никој од пријавените, продолжуваат во четвртиот круг на Надворешен Конкурс. Преостанатите пракси може да ги разгледате тука.

Четвртиот (и последен) круг започнува на 27.3.2017, и ќе трае до 31.3.2017. Процесот на аплицирање е следен:

  1. Да се пополни формата за аплицирање на Надворешен Конкурс
  2. Да се обезбедат потребните документи за избор на пракса
  3. Документите да се донесат во канцеларијата на ИАЕСТЕ Македонија, која е отворена секој работен ден од 12:00-14:00 часот

Во случај да не ви одговара терминот определен за носење документи, обратете се на нашата Outgoing одговорна, Добринка Јанакиева на outgoing.iaestemkd@gmail.commacedonia@iaeste.org или на телефон 070 558 490.

За аплицирање потребни се следните документи:

  • Мотивационо писмо за соодветната пракса на англиски јазик (зошто сте ја одбрале таа пракса и зошто сте вие погоден кандидат за неа)
  • Кратка биографија (CV) на англиски јазик
  • Уверение за редовен студент
  • Листа на положени предмети издадена од матичниот факултет
  • Сертификат за англиски и други јазици доколку познавате и/или се бараат за самата пракса
  • Препораки и дипломи (доколку студентот ги има) кои дополнително ќе бидат земени во предвид
  • Пополнета изјава за јавно објавување на личните податоци

Доколку има повеќе кандидати заинтересирани за една иста пракса, повторно ќе се изврши рангирање според: постигнатиот успех на факултетгодината на студиипознавањето на јазициискуство во извршување на претходни пракси и активности во ИАЕСТЕ Македонија. За членовите на ИАЕСТЕ Македонија, активностите во организацијата не надминуваат 10% од успехот на студиите (просекот). Рангирањето е транспарентно, а резултатите од конкурсот ќе бидат објавени накнадно.

Откако ќе се објават резултатите, следува процесот на номинација. Сите студенти кои добиле пракса ќе бидат исконтактирани по e-mail.

Поради тоа што ИАЕСТЕ Македонија мора да подмири одредени трошоци за секоја извршена пракса кон интернационално ИАЕСТЕ, по објавувањето на резултатите од конкурсот, оној студент кој ќе добие ексклузивно право на праксата за која се одлучил ќе мора да уплати котизација за истата, и тоа за:

  • За пракса со должина до 12 недели: 4000 денари + 5% од вкупната плата на праксата која е понудена, за целиот понуден период.
  • За пракса со должина од 12 до 24 недели: 5000 денари + 3%од вкупната плата на праксата која е понудена, за целиот понуден период.
  • За пракса со должина над 24 недели: 6000 денари + 2% од вкупната плата на праксата која е понудена, за целиот понуден период.

Во случај студентот да биде одбиен од страна на работодавачот, ИАЕСТЕ Македонија задржува само 1200 денари за административни трошоци, а остатокот се враќа на студентот.

За сите прашања поврзани со праксите можете да се обратите на нашата Outgoing одговорна, Добринка Јанакиева на outgoing.iaestemkd@gmail.commacedonia@iaeste.org или на телефон 070 558 490.

 

Red Bull Doodle Art – Чкртање во трета димензија

Постои едно нешто што е заедничко за сите студенти ширум светот: нивниот скриен уметнички талент се истакнува преку чкртање во текот на предавањата, а се почнува со основниот прибор, молив и лист. Уметноста во нејзиното најдобро издание ќе се случи по трет пат во Македонија, како дел од светскиот настан Red Bull Doodle Art.

 

Чкртањето е универзална навика што ги обединува студентите од различни култури на планетата Земја. Сите чкртаат! Преку 50 илјади студенти од над 1.000 универзитети во 40 земји од светот, ќе ни го покажат начинот на кој што тие ја доживуваат уметноста на чкртањето. На тој начин, Red Bull Doodle Art ја обезбедува платформата за секој од нив да може да ја спроведе својата инспирација и фантазија во уметност. Чкртањето нема правила, нема ограничувања – тоа е слобода на изразување!

Во текот на месец април, студентите во Македонија ќе можат да ги приложат своите неверојатни уметнички дела и да гласаат за најдобрите чкртаници во својата земја преку www.redbulldoodleart.com каде што е лоцирана глобалната платформа. Годинешното издание ќе биде одбележано со серија од настани, сите со цел да им се даде на студентите шанса што повеќе да чкртаат. Red Bull Doodle Art ќе ги собере највлијателните уметници на првото случување во Скопје заканажано во локалот „Кантина“, а потоа ќе следат и посети на факултетите, што ќе резултира со големо национално финале на крајот од април. Тогаш специјалното жири ќе одлучи кој ќе ја претставува Македонија на големото светско финале.

Глобалниот завршен настан на Red Bull Doodle Art 2017 ќе се случува по втор пат и ќе претставува возбудливо финале, искуство на виртуелната реалност. Имено, сите национални победници добиваат единствена шанса да се натпреваруваат во завршницата која што ќе се одржи на возбудлива локација. Претходно, ќе добијат шанса да ги подобрат своите уметнички вештини со цртање во три дименизии (3D) преку соодветен тренинг, за на крајот да го креираат и своето завршно уметничко дело чкртајќи во 3D. Финалното ремек дело ќе биде изложено во виртуелната галерија каде што љубителите на уметноста во целост ќе можат да го доживеат чртањето од целиот свет во виртуелната реалност. За глобалниот победник ќе одлучува судиски панел.

Првата глобална галерија Red Bull Doodle Art беше претставена во Кејптаун, Јужна Африка, во 2014 година. Тогаш, студентот на индискиот универзитет, Сантану Каушик со чкртање стигна до победата. Хиндуизмот и спиритуалноста беше она што го инспирираше да го начкрта победничкиот цртеж. Македонија на ова натпреварување беше претставена од Матеј Тодоровски, студент на Архитектонскиот факултет во Скопје.

– Победата на Red Bull Doodle Art 2014 претставуваше пресврт во мојот живот каков што не очекував. Победата направи да добијам поголема самодоверба во својата уметност и правец во кој одев. Никогаш порано не сум одел во уметничко училиште, ниту сум имал нечија поддршка. Самиот научив да цртам. Ми беше тешко да се изборам за мојата уметност, а Red Bull Doodle Art ми ја даде шансата да му се претставам на светот, па денеска сум илустратор, современ уметник што ја истражува својата визија. Чкртам секој ден, ми стана секојдневна навика, без оглед каде сум и што правам, а наскоро ќе издадам и неколку книги,- вели Сантану Каушик.

Што е чкртаница?
Цртеж без фокус што се црта додека мислите ви се окупирани со други нешта.

Што е Red Bull Doodle Art?
Натпреварување кое се одржува ширум светот меѓу студентите, при што тие ги приложуваат своите чкртаници за оценување по основ на стилот и креативноста. Еден чкртач од секоја земја ќе биде повикан на глобалното финале и ќе се натпреварува против студентите од целиот свет. Победничкото дело од секоја земја ќе биде изложено во Глобалната виртуелна галерија. На изложбата ќе биде прогласен еден меѓународен победник.

Кој ќе биде крунисан како глобален победник во Red Bull Doodle Art 2017? Ќе дознаеме наскоро!

За повеќе информации околу земјите учеснички, како и за начинот на кој што можете да го пријавите своето дело, посетете ја страната www.redbulldoodleart.com .

#doodleart

Искуство од пракса во Бразил

Пракса во Бразил е ултра егзотично искуство во животот што нема цена… Живеев и работев во Бело Хоризонте, голем град со многу универзитети, со многу концерти и културни настани за млади, во Бразил познат како “Град на Баровите”, полн со ИАЕСТЕ практиканти од цел свет.

Бев сместена во семејство, кое ме сакаше и  се грижеше за мене како за вистински член од семејството. Животот во семејство ми овозможи да ја доживеам од прва рака нивната култура, нивниот забавен стил на живот, полн со смеа и бразилскa самба во секојдневните фамилијарни собири и дружби, а и да го научам португалскиот јазик на прилично солидно ниво. Луѓето се неверојатно топли, комуникативни, отворени, доста самоуверени и секогаш весели. Бразилската храна е фантастична, изобилува со разновидни тропски овошја и зеленчуци, кои знаат да ги претопат во многу вкусни специјалитети и превкусни природни сокови.

Праксата беше на универзитет и бев вклучена во проект во лабораторија, во тим со уште тројца студенти од Бразил и еден професор, со кои имав одлична соработка. Работното време беше флексибилно, односно се договаравме во тимот кои денови и по колку саати да работиме на проектот. Од таа причина имав и доволно време за шетање и патувања до неколку национални паркови и 5 други града од кои најголем впечаток ми остави Рио де Жанеиро. Градот едноставно остава без здив од убавина, раскажување не може да го долови Рио, треба да се доживее духот на Рио, неговите плажи и ноќен живот.

Во текот на целиот 5 неделен престој во Бразил запознав извонредни луѓе, живеев на Бразилски начин, се стекнав со стручно знаење за време на работата на проектот, а при патувањата видов прекрасни места што само Јужна Америка може да ги понуди. Затоа на секој кој би сакал да има слично искуство, топло ја препорачувам Бразил како дестинација за избор на ИАЕСТЕ пракса.

Ирина Тренчевска

Практикант на универзитет во Бразил

Искуство од пракса во Тајланд

Бангкок, Тајланд. Уште после топлото ИАЕСТЕ добредојде на аеродромот, кога прв пат поминував низ градот хипнотизирано гледајќи се околу мене, знаев дека ова ќе биде вистински незаборавно искуство.

Работев во Western Digital, најголемиот производител на хард дискови во светот. Фирмата имаше 15 000 вработени, од кои 30 интернационални практиканти од целиот свет. Тајланд е позната како земја на насмевките и работното место не беше исклучок од тоа. Бев дел од IT тимот и ги имав најљубезните колеги кои на почеток беа фасцинирани од тоа дека јас сум од некоја мала, чудна земја која има само 2 милиони жители, како за споредба само Бангкок има 8. Работев заедно со нив на проект како рамноправен член од тимот на кој навистина научив многу на професионално ниво. Покрај надградбата на стручно знаење, видов и како е да се работи на големи проекти на кои мора да почитуваат рокови, буџет и неделно да се следи напредокот.

Иако работевме и живеевме заедно со останатите практиканти и буквално цело време бевме заедно, секогаш имаше уште некое ново место да се посети, да се отиде на уште една забава, во уште еден бар или пак да се помине уште една тема на разговор со највкусната храна. Секој викенд беше една нова авантура низ која се трудевме што подобро да го запознаеме Тајланд. Имаше луѓе од целиот свет, од различни континенти, религии, генерации, на кратко едно големо интернационално семејство кое веќе планира каде повторно да се сретне.

За вистински да пробам да ви ја доловам мојата пракса, морам да посветам и дел на Бангкок. Градот има се, од облакодери до стари палати и храмови, од нови и луксузни трговски центри до улични маркети на кои се продава се што можете да замислите, и секако најдобрата улична храна која ја има насекаде. И покрај тоа што речиси пола година живеевме таму и цело време одевме на различни места, ни приближно не посетивме се. Градот има посебен дух, токму  затоа велат дека е невозможно само еднаш да го посетиш Бангкок и потполно се согласувам со тоа.

На крај додека барам слика за текстов гледајќи низ сите тие спомени, да го опишам времето поминато во Тајлнад би рекла дека беше незаборавно и непроценливо.

Елена Неделковска

практикант во Western Digital, Тајланд

Искуство од пракса во Индија

Никогаш не размислував да одам во Индија. Вистина. Бев прилично ок со тоа да јадам хамбургери и да не вежбам јога. Но после муабети со луѓе што биле на пракса во Индија почнав да се интересирам. Се заинтересирав првично за културата, а потоа и за начинот на живот во оваа земја. Но како што рекол John Keats – “ништо не е реално додека не е искусено”.

Манипал беше местото каде што поминав три месеци како практикант на еден од најдобрите приватни универзитети во Индија. Работев на софтвер за потребите на универзитетот и од првиот ден мојата менторка беше секогаш тука за да ме советува.

Покрај делот со стекнување на работно искуство, праксата беше уникатна можност да се запознае нова земја и култура, како и шанса да се стекнат многу нови пријателства. Интересно е како многу нешта ги земаме “здраво за готово” или воопшто не ни размислуваме за нив. Од ситници како приготвување на чај или кафе (кои може да се различни дури и во две соседни земји) до прашања кои го дефинираат целиот наш идентитет како религиски, етички, полови, сексуални …

Од првиот ден постојано се случуваше нешто. Заедно со многу прекрасни луѓе од различни земји од целиот свет успевавме да испланираме активности за секој ден – од забави во Zeal и релаксирани ноќи на покривот од студентскиот дом до посета на антички градови, високи водопади, егзотични плажи и патувања во џунгли. Дали спомнав за часовите по Боливуд танц?

Да бидам искрен немаше многу време за спиење. Тоа го сфатив уште првиот ден кога пристигнав во Манипал. Сеуште неотпакуван и изморен од долгиот лет, една од практикантките ме праша дали сакам да и се придружам вечерта во некој клуб со име DeeTee. Таа ноќ сфатив дека Манипал знае да се забавува. Можам многу да ви кажувам за тоа, но како што веќе знаете – “ништо не е реално додека не е искусено”.

Јане Џумеркоски

практикант во Манипал, Индија

е-Пристапница за Членство

Clenarina

Форма за Надворешен Конкурс



Надворешен Конкурс

Секоја година ИАЕСТЕ Македонија објавува надворешен конкурс за стручни пракси во странство, на кој може да аплицираат сите редовни студенти кои ги исполнуваат критериумите и се на додипломски или магистерски студии на техничките факултети при универзитетите: „Св. Кирил и Методиј“ – Скопје, „Св. Климент Охридски“ – Битола, „Гоце Делчев“ – Штип и Универзитетот за информациони науки и технологии – Охрид.

Праксите може да ги погледнете тука.

Во ниту еден случај, студентот кој сака да конкурира на одредена пракса не смее да ги контактира локалните комитети на ИАЕСТЕ кои ја објавиле ниту, пак, работодавачот кој ја нуди праксата, се’ додека официјално не биде испратена номинација преку ИАЕСТЕ Македонија и додека студентот не биде примен на соодветната пракса.

За апликација потребни се следните документи:

  1. Мотивационо писмо за соодветната пракса (зошто сте ја одбрале таа пракса и зошто сте вие погоден кандидат за неа)
  2. Кратка биографија (CV)
  3. Индекс на увид за редовен студент
  4. Листа на положени предмети издадена од матичниот факултет
  5. Сертификат за англиски и други јазици доколку познавате
  6. Препораки и дипломи (доколку студентот ги има) кои дополнително ќе бидат земени во предвид
  7. Пополнета изјава за јавно објавување на личните податоци

Документите за аплицирање на пракса треба да се предадат најдоцна до 29.03.2015 во канцеларијата на ИАЕСТЕ Македонија во барака 5, од 12 до 14 часот. Доколу не ви одговара овој термин, контактирајте го нашиот Outgoing одговорен, чии контакт информации ги има подолу.

Доколку има повеќе кандидати заинтересирани за една иста пракса ќе се изврши рангирање според: постигнатиот успех на факултет, годината на студии, познавањето на јазици и искуство во извршување на претходни пракси и активности во ИАЕСТЕ Македонија. За членовите на ИАЕСТЕ Македонија, активностите во организацијата не надминуваат 10% од успехот на студиите (просекот). Рангирањето е транспарентно, а резултатите од конкурсот ќе бидат објавени накнадно.

Поради тоа што ИАЕСТЕ Македонија мора да подмири одредени трошоци за секоја извршена пракса кон интернационално ИАЕСТЕ, по објавувањето на резултатите од конкурсот, оној студент кој ќе добие ексклузивно право на праксата за која се одлучил ќе мора да уплати котизација за истата, и тоа за:

  • Должина до 12 недели – 4000 ден. + 5% од севкупната плата за понудениот период
  • Должина од 12 до 24 недели – 5000 ден. + 3% од севкупната плата за понудениот период
  • Должина над 24 недели – 6000 ден. + 2% од севкупната плата за понудениот период

Во случај студентот да биде одбиен од страна на работодавачот, ИАЕСТЕ Македонија задржува само 1200 денари за административни трошоци, а остатокот се враќа на студентот.

Сите кандидати кои не беа избрани за пракса, можат да си ги подигнат документите во канцеларијата на ИАЕСТЕ Македонија секој работен ден од 12-14 часот.

За сите прашања поврзани со праксите можете да се обратите на macedonia@iaeste.org ; outgoing.iaestemkd@gmail.com, или директно да го контактирате нашиот Outgoing одговорен – Димеска Тамара на  070 669 872